Во регионите Ростов, Белгород и Воронеж во Русија, локалното радио емитуваше лажно обраќање на рускиот претседател Владимир Путин во кое ги повикува Русите да се евакуираат во внатрешноста на земјата поради нападот на украинската армија и најави општа мобилизација. Локалните власти и Кремљ објавија дека се работи за лажно обраќање.
„Воведена е воена состојба“
Руси, сограѓани, браќа и сестри. Денеска во четири часот украински војници, вооружени од НАТО блокот, со договор и со поддршка на Вашингтон, извршија инвазија на подрачјето на регионите Курск, Белгород и Брјанск. Нашите граничари а вооружените сили храбро возвратиле на супериорните сили на агресорите.
По радіо в РФ транслювали панічне звернення Путіна через „вторгнення ЗСУ“ pic.twitter.com/BXefex19jA
— Українська правда ✌️ (@ukrpravda_news) June 5, 2023
По моја наредба беше воведена воена состојба во регионите Курск, Белгород и Брјанск. Денеска ќе потпишам наредба за општа мобилизација, мора да ги обединиме сите сили на Руската Федерација за да победиме опасен и лукав непријател“, беше пренесено на радиото.
Песков: Радиото е хакирано
Беше емитуван и тон во кој жителите на регионите Курск, Белгород и Брјанск се поканети да се евакуираат подлабоко во земјата.
Портпаролот на Путин, Димитриј Песков, изјави дека обраќањето било лажно и дека радио станицата е хакирана. Тој наведе и дека е вратена контролата врз емитувањето.
Надлежните во регионите сметаат дека целта на лажното обраќање било да се шири паника.
Може да jа лаjкнете ФБ страницата на ТАТКОВИНА тука
