Министерот за внатрешни работи, Оливер Спасовски информира дека денеска во МВР на Република Бугарија во Софија остварил билатерална средба со неговиот бугарски колега Бојко Рашков, а на покана за присуство на заедничка вежба на нашите две специјални единици.

-Од денешнава средба можам со задоволство да констатирам дека ние, како две соседни држави, сме упатени на меѓусебна соработка и наш заеднички интерес е да имаме добри резултати и придобивки од ваквата соработка, што е еднакво важно како за министерствата за внатрешни работи на двете земји, така и за нашите две држави, но и за регионот.

Ние сме посветени на унапредувањето и продлабочувањето на билатералната и оперативна меѓународна соработка со МВР на Република Бугарија, во насока на зајакната регионална соработка, како еден од нашите главни приоритети, посебно во делот на сузбивање на организираниот криминал, трговијата со луѓе и криумчарењето мигранти, недозволената трговијата со дрога и справувањето со илегалната миграција.

Благодарност до мојот колега домаќин, министерот Рашков, за топлиот пречек и конструктивните разговори што ги имавме денеска, истакна Спасовски во објавата.

 


Сподели на социјалните мрежи
  • gplus

TATKOVINA.INFO