Со вчерашната прес-конференција лидерот на ВМРО-ДПМНЕ, Христијан Мицкоски повторно покажа дека нема државнички капацитет ниту основно чувство за државност, особено за прашања од највисок државен и национален интерес. Се покажа дека Владата и премиерот Димитар Ковачевски доследно се држеа до државните позиции во однос на разговорите со Бугарија во секој поглед и го штитат националниот интерес и македонскиот национален идентитет, соопштија утрово од СДСМ.

Според владеачката партија, чист македонски јазик и историски прашања надвор од рамката, тоа беше државен став кој е содржан во новиот модифициран предлог.

-Детали за предлогот што беше доставен вчера попладне веќе денеска ќе бидат целосно објавени, го остваруваме она што го ветивме, дека ќе има широк консултативен процес тогаш кога ќе имаме предлог кој е вреден за таква дебата. Владата водеше мудра дипломатија, а кога дојде време транспарентно излезе во јавноста и сето тоа е резултат на добрата стратегија и позиции кои јасно ги постави премиерот Ковачевски, стои во партиското соопштение.

 


Сподели на социјалните мрежи
  • gplus

TATKOVINA.INFO