Спонтана љубовна историја- така ʺАјаксʺ ја опишува врската помеѓу поддржувачите на тимот, Боб Марли и неговата песна Three Little Birds. Таа започнува во август 2008 година на натпревар во Кардиф, на крајот на кој холандските фанови се помолени да останат на своите места, а додека чекаат, диџејот ја пушта песната на реге -исполнителот. Фановите ја пречекуваат со радост песната и оттогаш ја пеат на секој натпревар.
Тринаесет години подоцна, ʺАјаксʺ го посвети својот трет дрес на Боб Марли и Three Little Birds. Дресовите се црните, а традиционалните три црти на Адидас се во зелено, жолто и црвено. Во истите бои во горниот дел на грбот се поставени три птички.
ʺВистински симбол на надежтс, навивачите ја пеат оваа песна без оглед на резултатот“, одбележуваат од ʺАјаксʺ, чии играчи ќе го носат дресот на натпревари од европските турнири.
ʺАјаксʺ му се заблагодари на семејството на Боб Марли за поддршката. „Исклучително сум трогната што ʺАјаксʺ ја прифати Three Little Birds за нивната песна. Слични истории ми го стоплуваат срцето и покажуваат колку ефектни можат да бидат песни како Three Little Birds. Фудбалот беше се за татко ми. Неговите зборови беа: „Фудбалот е слобода “ , изјавува неговата ќерка Седела Марли за сајтот на ʺАјаксʺ.
