Фото: Роjтерс
Подем на туризмот во Грција и покрај строгите мерки и зголемениот број на заразени со коронавирус. Бугари и Романци го надоместија недостатокот на руски туристи во северна Грција, според туристичките агенции.
Досегашните сигнали се за многу успешен туристички период за август и септември, соопштуваат од Министерството за туризам во Атина.
Бугари и Романци се повторно основни туристи во северна Грција. Причината за тоа е што избегнуваат патување со фериботи до островите и добрата епидемиолошка состојба во овој дел на Грција, коментираат туристичките агенции. Најмногу Бугари одмараат на Халкидики и Кавала.
И покрај воведените рестриктивни мерки, зафатеноста на хотелите на островите надмина 80%, според Институтот за туристичка политика. На Миконос и Санторини, се е резервирано и за месец септември. Крит и Родос се на трето мнаесто најпопуларни дестинации за одмор за странските туристи, соопштува Светската туристичка агенција.
Два острови – Миконос и Карпатос досега се посетени од повеќе туристи отколку во изминатата година.
Оваа година, Грција си постави цел да достигне 50% од туристите во споредба со успешната 2019 година. Се чини дека оваа цел ќе биде надмината, предвидува туристичкиот сектор.
