Албанските власти соопштија дека војници доставиле храна и вода до семејствата на северозапад на земјата, отсечени по поплавите предизвикани од обилните дождови во последните неколку дена.

Министерството за одбрана наведува дека 40-ина семејства се евакуирани и оти околу 20 домови не се безбедни за живот поради оштетувања од поплавите. Во регионите околу Драч и Скадар се поплавени 7450 хектари земјиште, уништени се неколку мостови во некои села, а има и патишта кои се блокирани поради лизгања на земјиштето.

Според министерството, до неколку села може да се дојде само со воени камиони или чамци. Засега нема информации за жртви

Премиерот на Албанија Еди Рама предупреди дека дождот кој и натаму врне може да направи дополнителни проблеми и оти наредните часови се критични.


Сподели на социјалните мрежи
  • gplus

TATKOVINA.INFO