ʺСексот и градот“ ќе се врати на екранот, 17 години по емитувањето на неговата последна епизода, потврдија од HBO Max.
Со наслов ʺ And Just Like That ….“, во рестартирањето ќе учествуваат три од четирите оригинални главни ликови во хит-шоуто од 90-тите – Сара Џесика Паркер, Синтија Никсон и Кристин Дејвис ќе ги повторат улогите на Кери, Миранда и Шарлот
Ким Катрал, која учествува во улогата на Саманта во оригиналното шоу, нема да се врати во рестартираниот серијал.
Опишано од HBO Max како ʺново поглавје“ на хит-шоуто од 90-тите и почетокот на 21-от век, серијата ќе ги проследи во 10 епизоди Кери, Миранда и Шарлот додека ги подредуваат своите животи по 50-тите години. Снимањето треба да започне во Њујорк на пролет.
Одобрување за ʺпреродбатата“ на шоуто даде HBO Max, стриминг сервисот на WarnerMedia, лансиран минатата година.
Досега има малку детали за потенцијалните сижета во кои ќе се вживат трите актерки.
Врз основа на книгата на Кендис Бушнел, сериите за четири девојки кои живеат во Њујорк премиерно беше прикажана на HBO на 6 јуни 1998 година и продолжи до 2004 година. Следните филмови беа пуштени во 2008 и 2010 година.
