Филаделфија го победи домаќинот Орландо со 116-92 и му го нанесе првиот пораз на тимот од почетокот на сезоната во Националната кошаркарска асоцијација.

Џоел Ембиид постигна 21 поен и 9 скока, а Сет Кари додаде 21 поен, вклучително и 6 тројки за гостите. Тобиас Хари придонесе со 20 поени и 9 скока за успехот.

Никола Вукчевиќ беше најдобар кај домаќините со 19 поени и 10 скока, но Орландо, кој беше единствен во лигата без пораз од почетокот на кампањата, ја прекина серијата од четири победи.

Хјустон го постигна првиот успех оваа сезона по 122: 119 над гостинот Сакраменто.

Звездата на домаќините Џејмс Харден се истакна со 33 поени, 8 асистенции и 6 скока, постигнувајќи ги последните 18 поени за својот тим на мечот и беше основата на пресвртот од 104: 108 во последните четири и пол минути

Џон Вол заврши со 22 поени, 9 асистенции и 6 скока за победниците, а Кристијан Вуд додаде 21 поен и 12 скока.

Харисн Барнс беше најдобар кај Сакраменто со 24 поени и 8 скока, Шон Холмс се истакна со 22 поени и 13 скока, а Де Арон Фокс додаде 22 поени, но тоа не беше доволно.

Бади Хијлд и Фокс можеа да израмнат во последниот напад, но промашија со удари од зоната за 3 поени.

Њу Орлеанс забележа убедлив успех против домаќинот Оклахома Сити со 113: 80.

Брендан Инграм постигна 20 поени за гостите, но ја пропушти последната четвртина откако беше исклучен во третата четвртина за груб неспортски прекршок.

Индијана се наметна над гостинот Кливленд со 119: 99 по 25 поени на Домантас Сабонис.

Фред ВанФлит постигна 10 од своите 25 поени во последната четвртина и му помогна на Торонто да го забележи првиот успех оваа сезона по 100-83 над Њујорк.

Чикаго му нанесе петти последователен пораз на Вашингтон од почетокот на сезоната. Ото Портер заврши со 28 поени и 12 скока за успехот на гостите со 133: 130.

Новото засилување на Вашингтон Расел Вестбрук го постигна четвртиот ʺтрипл-дабл“ во кампањата со 22 поени, 11 асистенции и 10 скока, но ова повторно не беше доволно за прва победа.

Девин Букер постигна 25 поени, вклучително и два клучни удари на крајот за да придонесе за победа на Феникс од 106: 95 на гостувањето кај Јута.

Донован Мичел беше најдобар стрелец кај домаќините со 23 поени, иако само со 9 успешни од 23 удари, а Руди Гобер забележа четврти последователен ʺдабл-дабл“ со 18 поени и 14 скока.

 


Сподели на социјалните мрежи
  • gplus

TATKOVINA.INFO