Бугарија треба да биде не само наш советник, туку и партнер на патот на Македонија за членство во Европската унија. Ова го изјави во интервју за БГНЕС проф. Владо Бучковски, поранешен премиер на Македонија / 2004-2006 /.
„Кога ќе започнат преговорите за пристапување во ЕУ, а јас сум оптимист дека ние ќе ја добиеме заслужената покана за тоа во јуни 2019 година, ние не треба да правиме експерименти. Треба да побараме поддршка од бугарските експерти кои учествуваа во преговорите со ЕУ и тие да бидат не само наши советници, но и партнери во овие преговори „, категоричен е Бучковски.
Според него, наполно е логично Бугарија да помогне, „бидејќи ние сме многу блиски и се разбираме“.
„Убеден сум дека ќе настапи време кога и во Македонија, и во Бугарија ќе биде јасно дека патот на Македонија кон ЕУ ќе оди рака под рака со Бугарија“, истакна тој.
Срамно е да нема автопат и железничка линија.
Најголемиот проблем во билатералните односи, кој треба да се реши што е можно побрзо, е недостатокот на модерни патишта и поврзаност меѓу нашите земји.
„Срамно е да патувам од Скопје до Софија повеќе од три и пол часа. 200 километри го делат главниот град на Македонија од главниот град на Бугарија. Срамно е да нема пат и растојанието да се зема за еден час и половина. Ова создава сериозни проблеми и проблемот е од македонска страна. Не можам да не го кажам ова отворено, бидејќи тука во Бугарија се чувствувам како во мојот втор дом „, рече поранешниот македонски премиер.
„Има многу работи кои по својата независност Македонија ги наследи од Југославија и тие се уште се пречки во развојот на вистинскиот сојуз меѓу Бугарија и Македонија. Сметам дека не можеме да имаме поголем сојузник од Бугарија „, рече Бучковски.
Борисов и Заев да ја поттикнуваат поврзаноста меѓу луѓето и бизнисот
„Драго ми е што премиерот Бојко Борисов и Зоран Заев изградија взаемна доверба. Кога политичарите имаат доверба едни со други, тогаш многу полесно можат да се договорат што да направат за обичните граѓани „, смета Бучковски.
Тој ја поздрави работата на заедничката комисија од експерти и историчари кои разговараат за општото минатото и поддршката која ја даваат двајцата премиери. „Не верувам дека Борисов и Заев ќе се мешаат во оваа работа. Убеден сум дека заедничката комисија на експерти од двете страни, исто така, ќе биде успешна „, рече Бучковски.
Според него главната задача на двајцата премиери е да се олесни реализацијата на заедничките транспортни проекти, бидејќи инфраструктурата е катастрофална. „Трговската размена и покрај тоа што значително порасна по потпишувањето на Договорот за добрососедство и пријателство, не е доволна. Ајде да одиме заедно во најголемите супермаркети во Скопје и ќе најдете само еден или ниту еден бугарски производ полиците им се натрупани со грчки и турски стоки „, рече Бучковски.
Тој верува дека трговијата има потенцијал да се зголеми два или трипати повеќе отколку што е денес. Желбата за намалување на царините и отстранување на царините е едно од прашањата кои треба да биде поздравено, додаде Бучковски.
