Оливер Спасовски, министерот за внатрешни работи, кажа дека еден од уапсените во акцијата вчера на пасошко, бил во секојдневен контакт со лидерот на опозицијата. Спасовски ова го кажа на ʺУтрински брифинг“.

Спасовски ја обвини опозицијата дека правела опструкции и саботажа на акцијата. Истрагата, како што кажа Спасовски, траела повеќе време, но морало да се реагира вчера по искажувањето во јавност од страна на ВМРО-ДПМНЕ некои детали.

ʺЈас вчера побарав во моето јавно обраќање од страна на Обвинителството да ги испитаме сите овие активности. Ако излегувате како опозициска партија со какви било обвинувања, нудења документи, докази, а тоа не го правите во надлежниот орган, тоа е Јавното обвинителство, се отвораат многу дилеми пред сите, па и пред мене. Затоа реков дека треба да се даде одговор. Меѓутоа, ако имаме предвид дека еден од уапсените е во тесна врска, непосредни и секојдневни контакти со лидерот на опозицијата тогаш се отвора сериозна дилема зошто тоа е направено“, рече Спасовски


Сподели на социјалните мрежи
  • gplus

TATKOVINA.INFO