Фото: Роjтерс

Европската унија ќе ги има предвид и потребите на Западен Балкан кога ќе започне дистрибуцијата на вакцината против коронавирусот, беше објавено во Брисел на крајот од самитот на Унијата. Претседателот на Европскиот совет Шарл Мишел потврди дека Европската комисија работи со земјите-членки на ЕУ за да обезбедат договори со кои се гарантира снабдување со вакцината низ ЕУ, но и преку нејзините граници. „ЕК разви критериуми за дистрибуција на вакцини меѓу земјите-членки и секако не можеме да го заборавиме Западен Балкан, каде сме особено посветени“, рече Мишел.

Претседателката на Европската комисија Урсула ван дер Лајен објасни дека првично дистрибуцијата ќе започне во мал број што постепено ќе се зголемува. Таа тврди дека ЕК има јасен план и постепен пристап до вакцините, како што пристигнуваат. Според неа, постои двонасочен пристап. Првиот и најважен е COVAX, кој има за цел да го забрза развојот и производството на вакцини и да гарантира фер и непристрасен пристап до сите земји во светот. Ван дер Лајен истакна дека принципот е да се обезбеди земјите со високи примања да го финансираат COVAХ, така што земјите со ниски и средни примања преку овој систем ќе имаат пристап до вакцината. „Друга опција е ако се случи земјите-членки да имаат премногу дози, тие се во можност, и законски им е дозволено, да ги дадат тие дози на пример на Западен Балкан“, рече ван дер Лајен.

Сите што сакаат да ја потпомогнат дејноста на новинарскиот сајт ТАТКОВИНА како и отпочнувањето на заедничко онлајн предавање меѓу РС Македонија и Бугарија со тројца докажани новинари од двете држави може да го направат на платформата ХЕЛПКАРМА со кликнување овде
Сподели на социјалните мрежи
  • gplus

TATKOVINA.INFO