Бугарија не може да ги промени своите позиции затоа што има декларација на Парламентот и одлука на Влада. Тоа што се говори внатре во ЕУ е проблем на Унијата и тоа е проблем на Брисел, а не наш проблем тука.

Ова го изјави бугарскиот амбасадор во земјава Ангел Ангелов, одговарајќи на новинарско прашање по работниот појадок во МНР организиран во рамки на македонско – бугарското претседавање со Берлинскиот процес за тоа дали Софија ќе ги промени позициите по однос на преговарачката рамка за С Македонија содржани во објаснувачкиот меморандум во кој се оспоруваат меѓу другото македонскиот јазик и нација, а која денеска е на дневен ред на КОРЕПЕР – Комиетот на постојани претставници во Брисел.

Запрашан дали е извесно бугарско вето за првата меѓувладина конференција до крајот на годинава доколку историчарите на двете земји во Мешовитата комисија не успеат да постигнат договор по отворените прашања, бугарскиот амбасадор го избегна прашањето посочувајќи дека денешната средба е фокусирана на Берлинскиот процес.

ʺНие сега сме фокусирани да го завршиме Берлинскиот процес и да и покажеме на цела Европа дека можеме заеднички да завршиме нешто успешноʺ, вели бугарскиот амбасадор.

За тоа каде гледа Бугарија територијални претензии во Преспанскиот договор од македонска страна со примената на краткото име на државата, амбасадорот Ангелов повторно избегна да одговори посочувајќи дека денешната средба е во контекст на Берлинскиот процес кој, вели, е многу значаен и треба да помогне за изградбата на довербата меѓу нашите две држави.

ʺИмаме големи очекувања дека Берлинскиот процес ќе донесе приближување помеѓу администрациите на двете држави затоа што како копретседавачи очекуваме резултати од средбите на министрите за внатрешни работи преку министрите за социјална заштита, министрите за здравство и министрите за надворешни работи. Двете администрации требаше да работат заедно. Дојде ковидот и тоа ги помати плановите, но и покрај тоа сметам дека на крајот ние ќе успееме да постигнеме некакви резултати кои ќе бидат видливи и ќе придонесат за регионот и за неговото приближување кон ЕУʺ, рече Ангелов.

 

Сите што сакаат да ја потпомогнат дејноста на новинарскиот сајт ТАТКОВИНА како и отпочнувањето на заедничко онлајн предавање меѓу РС Македонија и Бугарија со тројца докажани новинари од двете држави може да го направат на платформата ХЕЛПКАРМА со кликнување овде
Сподели на социјалните мрежи
  • gplus

TATKOVINA.INFO