Фото: Роjтерс

Претседателот на Словенија Борут Пахор во петок и сабота ќе престојува во официјална посета на Северна Македонија на покана од шефот на македонската држава Стево Пендаровски.

Пахор, како што соопшти неговиот кабинет, ќе се сретне и со премиерот Зоран Заев и претседателот на Собранието Талат Џафери, а ќе има и обраќање пред пратениците во законодавниот дом.

Главни теми на разговорите ќе бидат напредокот на Северна Македонија на нејзиниот европски пат и почетокот на преговорите за членство во Европската унија, билатералните односи и мултилатералната соработка.

Предвидено е Пахор да положи венец на гробот на Гоце Делчев во црквата Свети Спас во Скопје, по што ќе замине за Охрид каде што ќе се сретне со словенечките полицајци кои им помагаат на нивните македонски колеги во обезбедувањето на границата.

За време на посетата, словенечкиот претседател ќе биде придружуван од министрите за економски развој и технологија Здравко Почивалшек и за одбрана Матеј Тонин.

Сите што сакаат да ја потпомогнат дејноста на новинарскиот сајт ТАТКОВИНА како и отпочнувањето на заедничко онлајн предавање меѓу РС Македонија и Бугарија со тројца докажани новинари од двете држави може да го направат на платформата ХЕЛПКАРМА со кликнување овде
Сподели на социјалните мрежи
  • gplus

TATKOVINA.INFO