Македонскиот претседател Стево Пендаровски донесе одлука за прогласување вонредна состојба во траење од 14 дена и таа одлука, како што тврди, нема никаква корелација со датумот на следните избори.

Претседателот Стево Пендаровски соопшти дека одлучил да прогласи нова вонредна состојба во времетраење од 14 дена, наместо предложените 30 дена, како што бараше техничкиот премиер Оливер Спасовски. Одлуката е донесена по широки консултации со експерти од повеќе области и советниците во кабинетот, а врз основа на информациите кои ги добил од учесниците на Советот за безбедност.

„Со оглед на позитивните трендови на смирување на состојбата со пандемијата, сметам дека 14 денови се доволни. Причина за ваквата одлука е потребата од имплементирање на економско-социјалните мерки за ублажување на последиците од пандемијата, кои веќе сега се чувствуваат како резултат на фактот што огромен број фирми не работеа и се’ уште не работат“, рече претседателот Пендаровски.

Набројувајќи ги причините за својата одлука, тој наведе и дека бил информиран оти кон крајот на месецов се очекува „да склучиме кредитен аранжман со Европската банка за обнова и развој од околу 160 милиони евра“.

„Многу важна, веројатно најважна, причина за оваа одлука беше и тоа што на таков начин се овозможува Владата да продолжи , преку уредбите со законска сила да овозможува на целокупниот здравствен сектор поуспешно да се справува со пандемијата“, нагласи Пендаровски.

Тој потенцираше дека траењето на вонредната состојба од 14 дена нема никаква корелација со датумот на следните избори: „Тоа е посебна тема, која, знаете, ќе ја дискутираме на следната лидерска средба, на почетокот на следната неделас“, нагласи Пендаровски.

ИНФО ЗА КОВИД-19 ВНИМАНИЕ! НЕ ШИРЕТЕ ЛАЖНИ ВЕСТИ! Драги сонародници, да не дозволиме коронавирусот да владее со нашите животи! Заштитете ги старите лица, избегнувајте ги социјалните контакти, мијте ги рацете, не паничете! Животот продолжува по коронавиросот!
loading...
Бесплатно преземање на содржини од Татковина е дозволено само во непосреден договор со редакцијата на Татковина, односно со одговорниот уредник. - дозволено е да се преземе најмногу 25 % од содржината на текстот – на крајот од преземениот текст, треба да се објави реченицата „Целиот текст прочитајте го тука“, а со зборот „тука“ да се поврзе (објави) линк до оригиналниот текст во Татковина. Секое целосно превземање ќе резултира со издадена фактура на име КОРИСТЕЊЕ НА СОДРЖИНА ОД ПОРТАЛОТ ТАТКОВИНА во износ од 10 000 денари. За прекршувања на овие услови, Татковина го овластува својот правен застапник да презема законски мерки спрема прекршителите.
Сподели на социјалните мрежи
  • gplus

TATKOVINA.INFO