Британскиот премиер Борис Џонсон е примен во интензивно одделение, откако неговата состојба се влошила, соопшти Би-Би-Си. Првиот позитивен тест на Џонсон за коронавирус беше пред 10 дена, а потоа тој имаше лесни симптоми и беше изолиран во неговиот дом.

Денес, неговиот портпарол објави дека тој сè уште страда од симптомите и бил примен во болницата „Свети Тома“ вчера вечерта. Во соопштението од Даунинг стрит се вели: ʺПопладнево состојбата на премиерот се влоши и по совет на неговиот медицински тим е преместен во интензивното одделение на болницата“. Премиерот побарал од министерот за надворешни работи Доминик Рааб да ги извршува неговите функции доколку е потребно.

ʺПремиерот добива одлична грижа благодарение на перфектните медицински лица, нивната напорна работа и решеност“, се вели во соопштението на Даунинг стрит.

Сите што сакаат да ја потпомогнат дејноста на новинарскиот сајт ТАТКОВИНА како и отпочнувањето на заедничко онлајн предавање меѓу РС Македонија и Бугарија со тројца докажани новинари од двете држави може да го направат на платформата ХЕЛПКАРМА со кликнување овде
Сподели на социјалните мрежи
  • gplus

TATKOVINA.INFO