Во последните 24 часа се регистрирани 8 смртни случаи во Србија, со што вкупната бројка достигна 39 во земјата, соопшти МИА.

Просечна возраст на починатите е 70 години.

Денес се регистрирани три пати повеќе заразени лица од вчера – 305, со кои вкупниот број достигна 1 476 лица.

Хоспитализирани се 874 пациенти, од кои 81 се во сериозна состојба.

Тешка е состојба на Клиниката за акушерска гинекологија ʺНароден фронтʺ, каде 46 луѓе од персоналот се со позитивен тест за коронавирус и се поставени во карантин.

Од 13:00 часот во сабота до 5 часот наутро во понеделник, во земјата се воведува 40-часовна забрана за излегување.

Сменета е и мерката за пензионерите кои ќе можат да ги напуштат своите домови во сабота наместо во недела, за да пазаруваат. Времето за прошетка на домашни миленици е зголемено – секој ден од 23:00 до 01:00 часот и во недела од 08:00 до 10:00 часот.

Од Кризниот штаб објави дека на погребите не може да бидат присутни повеќе од 10 лица, а меѓу нив треба да се почитува задолжителното растојание од 2 метри.

Според премиерот Ана Брнабиќ, Србија влегува во петтата недела од борбата против коронавирусот, а претстои „најтешката фаза во справувањето со епидемијата“.

Денес, Србија потпиша и договор за помош од ЕУ во висина од 4,9 милиони евра.

Сите што сакаат да ја потпомогнат дејноста на новинарскиот сајт ТАТКОВИНА како и отпочнувањето на заедничко онлајн предавање меѓу РС Македонија и Бугарија со тројца докажани новинари од двете држави може да го направат на платформата ХЕЛПКАРМА со кликнување овде
Сподели на социјалните мрежи
  • gplus

TATKOVINA.INFO