Портпаролот на Кремљ, Дмитриј Песков најави дека Русија ќе испрати авион со медицинска и заштитна опрема во Македонија.

– Се очекува авионот да полета до крајот на денот. Указот е потпишан директно од Владамир Путин. – изјави синоќа Песков.

-Сега кога моменталната ситуација влијае и може да се окарактеризира како глобална, не постои алтернатива за заедничката работа во духот на партнерството и взаемната помош – додаде Песков.

Специјалистите ќе донесат опрема неопходна за дијагностицирање и дезинфекција. Петнаесет авиони на Ил-76 на руските воздушни сили со воени специјалисти и опрема пристигнаа досега во Италија за да помогнат во борбата против пандемијата на коронавирус.

Се разбира, ова е првоаприлска шега. Вистинската вест е дека Европската унија издвои 38 милиони евра помош за Западен Балкан за сузбивање на епидемијата со коронавирусот и за набавка на медицинска опрема, како вентилатори, маски и заштитна опрема, соопшти Европската комисија пред два дена.

Како дел од глобалниот одговор на појавата на коронавирусот, Европската комисија објави дека ќе издвои како итна поддршка до 38 милиони евра за Западен Балкан за решавање на здравствената состојба, соопшти денеска (30 март) во Брисел,  Комисијата на ЕУ .

Како резултат на тоа, ЕУ ќе им помогне на С. Македонија, Албанија, Босна и Херцеговина, Црна Гора, Косово и на Србија, да ги покријат своите непоходни потреби за медицински помагала и за опрема, како што се вентилатори, лабораториски тестови, маски, очила, наметки и заштитни костуми, за го поддржи нивното закрепнување.

ЕУ, исто така, пренасочи 374 милиони евра од претпристапните фондови за да го помогне општествено-економското закрепнување на западнобалканското подрачје, изјави Ана Писонеро, портпаролка на еврокомесарот за проширување Оливер Вархеи.

 

Сите што сакаат да ја потпомогнат дејноста на новинарскиот сајт ТАТКОВИНА како и отпочнувањето на заедничко онлајн предавање меѓу РС Македонија и Бугарија со тројца докажани новинари од двете држави може да го направат на платформата ХЕЛПКАРМА со кликнување овде
Сподели на социјалните мрежи
  • gplus

TATKOVINA.INFO