Тренерот на Наполи, Џенаро Гатузо изјави дека тимот што тој го предводи не треба да биде отпишуван и дека има силна желба кај играчите да се промени насоката во сезоната. Наполи се наоѓаат многу лоша поредица со една победа во последните десет натпревари во Серија А и осмо место во пласманот. Следува гостување на најдобриот тим моментално во лигата – Лацио, кој е во серија од 12 последователни победи.

ʺАко бев видел мртовец, ќе дојдов и ќе ви кажев. Гледам голема желба, но ни треба силна серија за да се искачиме во пласманот. Не можеме да бидеме во оваа позиција, имаме одлични играчи, и покрај потребата да ги донесеме во најдобра состојба и да им обезбедиме спокојство. Треба да правиме помалку грешки, да играме како тим. Ќе започнеме со подобрување на нашата физичка состојба да играме онака како што сакаме. Ни требаат резултати за да го подигнеме тимскиот дух “, рече легендата на Милан на прес-конференција пред утрешната средба.

ДОНИРАЈ

Сподели на социјалните мрежи
  • gplus

TATKOVINA.INFO