Почина светски познатиот бугарски џез музичар Милчо Левиев. За смртта на легендарниот композитор и пијанист, соопштија негови блиски за Нова телевизија. .

Милчо Левиев е бугарски џез музичар, композитор, аранжер и пијанист, кој го помина најголемиот дел од животот во Соединетите држави.

Роден е на 19 декември 1937 година во Пловдив. Дипломирал на Државниот конзерваториум во 1960 година. Негови професори се Панчо Владиџеров и Андреј Стојанов. Неговата кариера започнува во Драмскиот театар во Пловдив. Назначен е за диригент на Биг Бендпт на Бугарското национално радио од 1962 до 1966 година. Од 1963 до 1968 година работи како солист и диригент на Пловдиската и Софијската Филхармонија.

По идеја на Радој Ралин ја создава групата Џез Фокус ’65, со која со голем успех ја обиколува земјата и странство до 1970 година. Едно од неговите најпознати дела во тој период е аранжманот на песната на Пол Мекартни „Вчера“(Yesterday) Тој исто така пишува и филмска музика.

Во 1970 година, на покана на Дон Елис, ја напушти Бугарија и заминува за Лос Анџелес. Таму останува до 1977 година. На почетокот на 80-ти години се враќа во Бугарија и прави серија концерти. Бил на многубројни турнеи во Европа и САД. Предава на Универзитетот во Јужна Калифорнија и мастер класа на Нов бугарски универзитет.

Милчо Левиев е вклучен во енциклопедијата Историја на европскиот џез на Кралската академија за музика, Лондон.

Во прилог изведбата на Милчо Левиев на Yesterday.


Сподели на социјалните мрежи
  • gplus

TATKOVINA.INFO