Претседателот на Албанија Илир Мета на свечена церемонија во Венеција ја доби наградата Златен лав.

Наградата е доделена за придонес во поттикнувањето на демократијата и политичкиот плурализам, зајакнување на мирот и стабилноста на Балканот, за поттикнување на религиозната толеранција и развој на албанско-италијанските односи.

Наградата беше доделена од локалната власт на Венеција.

Во својот говор, претседателот Мета истакна дека наградата е симбол на уникатните пријателски врски меѓу Албанија и Италија.

„Оваа награда е посветена пред се на граѓаните на Албанија, особено на Албанците во Италија и нивните семејства. Ова е награда за илјадници Италијанци кои долго време живеат и работат во Албанија. Оваа награда е симбол на пријателството меѓу Италија и Албанија, кое е уникатно и неразделно „, рече претседателот.

Тој истакна дека добиената награда е и за неговото семејство, за поддршката и љубовта, кои овозможиле да работи „секој ден упорно и спокојно“.

„Оваа награда е посветена на сите умерени лидери во регионот кои, благодарение на нивната зрелост и дијалог, ги доближија балканските земји, кои носеа само војни и кризи, поблиску до Европа“, рече Илир Мета.

Наградата е основана пред 71 години.

Илир Мета е носител на наградата „Светски политички лидер за 2018 година“, доделена од Фондацијата ʺФуедусʺ за „поттикнување и зајакнување на односите и пријателството меѓу Албанија и Италија“.

loading...
Бесплатно преземање на содржини од Татковина е дозволено само во непосреден договор со редакцијата на Татковина, односно со одговорниот уредник. - дозволено е да се преземе најмногу 25 % од содржината на текстот – на крајот од преземениот текст, треба да се објави реченицата „Целиот текст прочитајте го тука“, а со зборот „тука“ да се поврзе (објави) линк до оригиналниот текст во Татковина. Секое целосно превземање ќе резултира со издадена фактура на име КОРИСТЕЊЕ НА СОДРЖИНА ОД ПОРТАЛОТ ТАТКОВИНА во износ од 10 000 денари. За прекршувања на овие услови, Татковина го овластува својот правен застапник да презема законски мерки спрема прекршителите.
Сподели на социјалните мрежи
  • gplus

TATKOVINA.INFO