Премиерот Зоран Заев и вицепремиерот за економски прашања, Кочо Анѓушев присуствуваа на потпишување на договор за закуп на парцела со површина од 139.640 квадратни метри во ТИРЗ Скопје со германската фармацевтска компанија Герешајмер, која треба да реализира објект од неколку десетици милиони евра. Герешајмер е светски позната компанија за производство на апликатори за инсулин, инхалатори за астма. Има 50 свои фабрики во 15 држави на четири континенти. Првата фаза треба да се реализира до крајот на декември годинава.

„Тоа е една од двете инвестиции кои беа договорени непосредно по потпишувањето на протоколот за членство во НАТО. Многу брзо ќе соопштиме дека ќе бидат потпишани договори со уште две странски компании, рече премиерот Зоран Заев пред потпишувањето на договорот.

Извршниот потпретседател на Герешајмер за глобални операции, квалитет и набавки Оливер Марк Бергел рече дека три работи биле главни за да се решат да инвестираат: „Имате млади луѓе кои се стремат кон знаење и се подготвени да работат напорно. Втората е добрата инфраструктура, а третата непрекинатата добиена поддршка од Владата за сите потешкотии со кои се соочивме. Планираме да имаме вработени со висок квалитет. Сметам дека луѓето треба да останат во својата земја и ние сме тука за да ги поддржиме“, рече Бергел.

loading...
Бесплатно преземање на содржини од Татковина е дозволено само во непосреден договор со редакцијата на Татковина, односно со одговорниот уредник. - дозволено е да се преземе најмногу 25 % од содржината на текстот – на крајот од преземениот текст, треба да се објави реченицата „Целиот текст прочитајте го тука“, а со зборот „тука“ да се поврзе (објави) линк до оригиналниот текст во Татковина. Секое целосно превземање ќе резултира со издадена фактура на име КОРИСТЕЊЕ НА СОДРЖИНА ОД ПОРТАЛОТ ТАТКОВИНА во износ од 10 000 денари. За прекршувања на овие услови, Татковина го овластува својот правен застапник да презема законски мерки спрема прекршителите.
Сподели на социјалните мрежи
  • gplus

TATKOVINA.INFO