Грчкиот тенисер Стефано Циципас не ја криеше огромната радост откако го победи светскиот број 2 Рафаел Надал во полуфиналето на турнирот од сериите Мастерс во Мадрид.

Циципас се наметна над силниот ривал со 6-4, 2-6, 6-3, за да се пласира во финалето на турнирот, каде ќе се сретне со водачот во шемата Новак Ѓоковиќ. „Оваа победа значи многу за мене. Мило ми е што можев да се докажам. Изиграв еден од моите најсилни натпревари во текот на годината. Се борев до последно и уживав во играта. Многу е убаво кога можеш да играш на таков начин. Клучот за успехот беше мојата психичка издржливост во важните моменти кога успеав да бидам решителен. Треба да ги искористам моите шанси. Рафа е борец и не ви дава лесни поени. Против него треба да се бориш за секој поен „, коментираше Циципас по успехот. „Во финалето треба да играм на истиот начин. Тоа ќе биде тежок натпревар бидејќи Ѓоковиќ е во добра форма. Знам дека тој ја сака титулата колку и јас „, додаде Циципас.

loading...
Сподели на социјалните мрежи
  • gplus

TATKOVINA.INFO