Велики петок е најтажниот, најтешкиот ден за синот Божји, Исус Христос. Тој бил испрашуван, а римскиот намесник Понтиј Пилат, поттикнат од толпата која викаше „Распни Го“, му издал пресуда.

Велики петок е драматичниот ден за сите христијани. Исус мора да одговара на провокативни прашања на Синедрионот, за да биде обвинет за богохулење и суден според еврејските закони. Откако не успеваат со оваа стратегија, судиите Го обвинуваат дека се нарекол Цар еврејски и подготвува бунт против римското управување на провинцијата Јудеја. Затоа го предават на римскиот легат во покраината Понтиј Пилат. Тој исто така смета обвинувањата за неточни и нуди да Го ослободи, но толпата пред дворецот му вика: „Распни го, распни го“. Тоа е истата таа толпа, која во неделата е скандирала во екстаза „Осана, Осана“.

Пилат си мие рацете, за да не падна крвта на Христа на него и Го предава на војниците. За потсмев тие доделуваат на главата на Христа трнов венец наместо круна и Го поведуваат кон Голгота – место за распнување на крст на ограбувачите и непријателите на империјата.

Нарамил тешкиот крст, со изранени нозе и преплавено со пот и крв лице, Исус презема последниот пат кон ридот Голгота. Сочувствувајќи Вероника брише лицето Негово со крпата и ја фрла врз ќерамидите на оградата долж која минуваат.

На лобното место, Христос е прикован на крстот и распнат меѓу двајца криминалци. „Беше третиот час и Го распнаа. Имаше натпис за вината Негова: Цар еврејски. Со Него распнаа и двајца разбојници, едниот оддесно Нему, а другиот одлево. И се исполни Писмото, кое вели: „И Го вброија меѓу беззаконици“ /Марк, 15:25-28/.

loading...
Сподели на социјалните мрежи
  • gplus

TATKOVINA.INFO