Проширувањето на ЕУ до 2025 година не е реално и штетно е што Западниот Балкан се преправа дека спроведува реформи, а ЕУ дека тие се спроведени, рече поранешниот заменик на помошникот државен секретар на САД за Европа и Евроазија Брајан Хојт Ји на собирот „Решавање на нерешливото на Западен Балкан“ во Вашингтон.

“Нема потреба да се откажува од евроинтеграциите, но важно е да се биде искрен какви се изгледите на тој пат. Затоа што преправањето дека тоа е извесно и оти некои земји можат да станат членки до 2025 година, не само што им одмага на оние кои треба да спроведуваат реформи, туку ги охрабрува и клептократите, корумпираните функционери да им велат на луѓето дека членството ќе се случи за две, три, пет години и им дава повеќе кислород отколку што заслужуваат, рече тоj.

Тој додаде дека меѓународната заедница моментално нема јасна стратегија за Западен Балкан и оти ЕУ и САД на регионот не му го придаваат значењето кое би требало, како и дека е важно ЕУ и САД да имаат единствен пристап. “Исто така мораме да знаеме дека ако не реагираме веднаш – работите ќе станат многу полоши”.

loading...
Сподели на социјалните мрежи
  • gplus

TATKOVINA.INFO