Менаџерот на Манчестер Јунајтед Оле Гунар Солскјар призна дека не очекува неговиот тим да биде меѓу претендентите за титулата и наредната сезона.

„Црвените ѓаволи“ тргнаа ударно под раководство на Норвежанецот, но постепено го намалија темпото и сега се едвај шести во Премиер лигата.

Солскјар успеа да се убеди колку огромен е јазот помеѓу неговиот тим и лидерите во првенството Манчестер Сити и Ливерпул во сите односи и дека за надминување на оваа разлика е потребно време.

„Не треба да очекуваме дека такви нешта ќе се променат за нула време и ние го знаеме. Сè треба да оди постепено. Ние како клуб треба да бидеме реални и да се движиме чекор по чекор. Треба да се движиме бавно, но правилно. Потребни ни се играчи со вистински квалитети и стандарди за да се вратиме каде што сакаме да бидеме „, истакна Солскјар.

loading...
Сподели на социјалните мрежи
  • gplus

TATKOVINA.INFO