Терористичката група „Исламска држава“ ( „Даеш“) ја презеде одговорноста за смртоносните атентати во Шри Ланка, пренесе Ројтерс. Информативната агенција меѓуто одбележува дека терористите не дале доказ за тоа.

Претходно владата на земјата, изјави дека според неа локалната исламистичка милитантна група, наречена Национална Таухијт Джамаат (NTJ), стои зад смртоносните самоубиствени атентати, кои убија над 300 лица.

Полициски извор, пак, изјави за АФП дека сите приведени во врска со атентатите припаѓаат на „екстремистичка“ група, но не прецизира на која.

Во неделата Шри Ланка беше погодена од серија на координирани бомбардирања, насочени против цркви и хотели во целата земја, во кои загинаа најмалку 321 лица и ранија околу 500 други. Министерот за одбрана претходно изјави дека серијата експлозии се одговор на нападот врз џамии во Крајстчерч во Нов Зеланд, насочен против муслиманите.

loading...
Сподели на социјалните мрежи
  • gplus

TATKOVINA.INFO