Она што привлекува внимание во кампањата за претседателските избори е тоа што кандидатот на ВМРО-ДПМНЕ, Гордана Сиљановска-Давкова успеа да ги обедини сите анти-НАТО активисти во земјата кои се добро познати на македонската јавност. Тоа се универзитетски професори, претседатели на политички партии, па се до свештеници на МПЦ.

Гордана Сиљановска-Давкова од поодамна важи за дел од таборот кој не само што скептично гледа на евро-атлантските интеграции на Република Северна Македонија, туку и јавно го покажуваат својот анимозитет кон НАТО и ЕУ.

Меѓу најблиските соработници на Сиљановска-Давкова се Жидас Даскаловски и Билјана Ванковска кои отворено и пишуваат и зборуваат против НАТО, вклучително и пред свои студенти.

Кандидатот  на ВМРО-ДПМНЕ е блиска пријателка и со Солза Грчева која организираше анти-НАТО протести против доаѓањето на генералниот секретар Јенс Столтенберг.

Јавна поддршка и секојдневна јавна агитација за Гордана Сиљановска-Давкова дава и свештеникот Ивица Тодоров кој организираше протести пред собранието и јавно е против НАТО.

Тука се разбира е и Димитар Апасиев од „Левица“ партијата која организираше протести против присуството на армијата на САД и направи инцидент при прославата за НАТО во Градскиот парк кога се појави со анти-НАТО транспарент. Според „Левица“,НАТО е крв,солзи,смрт…а со што се согласува Даскаловски, блискиот соработник на Сиљановска-Давкова.

Јавни анти-НАТО објави има и Косана Мазнева, поранешната претседателка на Унијата на жени на ВМРО-ДПМНЕ, актуелен советник на Христијан Мицкоски. И за потсекретарот на УЖ од Кочани, Славица Ангелова, НАТО е агресорска организација. И двете напорно работат во кампањата на Сиљановска-Давкова.

Медиумската кампања на Сиљановска-Давкова е поддржана и од прорускиот портал „Инфомакс“, како и од Сотир Костов, кој јавно се залага за Евро-азиска унија.

Во својата поддршка за Гордана Силјановска-Давкова јавно се вклучи и претседателот на МААК, Страшо Ангеловски кој во една своја колумна ја наслови дека таа е консензуален кандидат на неопределените. Всушност, се гледа дека Гордана Сиљановска-Давкова е консензуален кандидат токму на анти-НАТО активистите во земјава.

Самиот кандидат на ВМРО-ДПМНЕ во своите досегашни јавни настапискоро и да не зборува за НАТО, иако како иден претседател има ингеренции во надворешната политика и ќе биде врховен командант на армија на земја членка на НАТО. Дали тоа значи дека доколку биде избрана за претседател Сиљановска-Давкова целосно ќе го тргне НАТО од својата агенда, а Кабинетот ќе и биде полн со советници кои се јавно познати анти-НАТО-активисти?

Во продолжение Ви презентираме дел од јавните анти НАТО и ЕУ објави на тимот на поддржувачи на Гордана Сиљановска-Давкова.

loading...
Сподели на социјалните мрежи
  • gplus

TATKOVINA.INFO