Политичката криза и масовните протести на опозицијата доведоа до одбивање на веќе најавените резерви во Албанија, главно од Германија, Велика Британија и Израел.
Бесник Ватхи, претставник на Здружението на албански туристички оператори, рече дека неколку големи групи туристи беа откажани во последниве денови.
„Резултатите од политичките тензии и протести веќе се чувствуваат од туризмот со откажување од веќе преговарани патувања, особено со Израелците, Германците и Англичаните. Ако продолжи напнатата политичка ситуација во земјата, јас не би сакал да поверувам, но тоа е вистината, очекуваме многу повеќе патувања да бидат откажани“, рече Ватхи.
Тој не ја крие загриженоста дека ситуацијата ќе продолжи да има негативен ефект врз главната туристичка сезона, иако смета дека нема откажување од резервациите на летната сезона.
Според Институтот за статистика, минатата година Албанија беше посетена со рекорден број туристи – околу шест милиони или 16 отсто повеќе од претходната година.
