За да се продлабочат односите меѓу Бугарија и Македонија, потребна е културна размена. Влегување на културата од Бугарија во Македонија и од Македонија во Бугарија. Тоа е единствениот начин, рече во интервјуто истражувачот Миланчо Јанкоски.
Тој е роден во Прилеп, Република Северна Македонија и неодамна ја претстави пред бугарската публика својата нова книга „Досието Попиванова“. Во неа тој го испреплетува историскиот наратив за својата фамилија, но во контекст на сите настани, го обележува животот на луѓето во Вардарска Македонија во XIX и XX в. Главните ликови во неа се Зора Попиванова и нејзиниот татко – војводата од ВМОРО Даме Попов.
„Ова е цела сага. Зора Попиванова е родена во Прилеп во 1917 година и била 3-месечно бебе, кога околностите придонесле нејзиното семејство да дојде во Софија како бегалци. Потоа, постои цел бегалски бран. Тие живеат во бугарскиот главен град, а нивните првични живеалишта беа во округот Захарна Фабрика. Таа го поминува своето детство во Бугарија, па дури и се здобива високо образование. Кога во 1941 година Бугарија и Македонија се обединија, дел од нејзиното семејство се враќа Македонија. Таа бара работа за егзистенција и ја наоѓа во полициската станица на град Прилеп, кој тогаш е под бугарско управување. Почнала да работи како машинописец, но работите се влошуваат. Таа често е принудена да прави работи што таа не ги сака „, вели авторот на книгата.
Токму поради нејзината работа во службите за безбедност на Царството Бугарија таа е осудена на 18 години затвор во 1948 година во Титова Југославија. Пресудата ја извршува во еден од најтешките женски затвори за политичките затвореници. Документите велат дека е подложена на ужасна тортура.
Со вознемиреност, авторот вели дека знаеме малку за овој период од историјата.
„Ова е затоа што поранешниот режим во Титова Југославија се обиде да го избрише колективното сеќавање на народот. Луѓето кои биле современици и го преживеале сето ова, веќе не се меѓу живите и не можат да пренесат знаење. Режимот, исто така, налага и разделение“, вели авторот.
Но, тој е оптимист во врска со големата промена што се случува со Македонија, која неодамна го промени името во Северна Македонија.
„Книгата седеше долго време во мракот. Таа беше испуштена и не се знаеше дали некогаш ќе види бел ден. Се покажа дека беше издадена токму кога има напредок за Македонија – пат кон НАТО и ЕУ. Мислам дека сè ќе заврши позитивно. Според моето скромно мислење, колку и да биле оптоварени во минатото бугарско-македонските односи, тие ќе се подобрат. Сè ќе почне да оди на подобро „, рече Миланчо Јанковски.
