Манчестер Јунајтедго совлада Фулам со 3: 0 на стадионот „Крејван Котидж“ во Лондон и продолжува со безгрешната серија под водство на Оле Гунар Солскјар. „Црвените ѓаволи“ ги победија лондончаните во дуел од 26-иот круг на англиското првенство.

Пол Погба го отвори резултатот во 14-тата минута, а Антонио Марсиал ја удвои предноста во 23-та. Повторно Погба го оформи класичниот резултат со гол од пенал во 65-тата минута. Јунајтед не сретна апсолутно никакви проблеми и ги постигна и трите гола по грешки на противникот.

За Манчестер ова е десетта победа во последните нивни 11 натпревари од сите турнири и тимот останува без пораз по разрешувањето на Жозе Мурињо во декември. Денешниот успех им овозможи на избраниците на Солскјар да се сместат на четвртото место барем за 24 часа. Јунајтед има 51 поени, еден повеќе од Челзи, кој утрему гостува на Манчестер Сити.

loading...
Сподели на социјалните мрежи
  • gplus

TATKOVINA.INFO