Грчкиот остров Закинтос се поместил за најмалку 3 сантиметри кон југозапад по силниот земјотрес од 6,4 степени во петокот. Тоа е заклучено врз основа на дигитална обработка и анализи на снимки од сателитот на ЕУ и ЕСА Сентинел-1 на сервисот Коперникус, изјави за грчката агенција АНА, директорот на секторот за истражување на Институтот за геодинамика во Атинската национална опсерваторија, Атанасиос Ганас. Поместувањето е претежно воочено на хоризонтално ниво додека вертикално поместување не е регистрирано. Ганас додаде дека научниците моментно анализираат дали земјотресот предизвикал поместувања и во околни области.

Сподели на социјалните мрежи
  • gplus

TATKOVINA.INFO