За нас Холокаустот е важен не само за предците, а најмногу за нашите наследници и наследниците на сите народи на оваа планета, бидејќи ако не можеме целосно да го искорениме злото, тогаш барем да е јасно дека може уште во зародиш да биде откриено.
„Sin memoria, no ay avenirр – Нема сеќавања, нема иднина – Така се вели на нашиот хебрејско-шпански јазик – ладино.
Во името на таа иднина, за иднината на секој човек, посетата на премиерот на Република Бугарија Бојко Борисов, за нас членовите на еврејската заедница во Република Македонија, но и за граѓаните на Република Македонија, е особен и значаен настан.
Многу е важно, исто така, дека во последно време во Република Бугарија се почесто се зборува не само за спасувањето на Евреите, но и за депортацијата на Евреите од овие земји
Да се собереме, да бидеме заедно на комеморацијата по повод 75-годишнината од депортацијата на Евреите од територијата на денешна Република Македонија е еден почеток. Треба да работиме заедно, а тоа значи да постигнеме напредок. Тогаш ќе бидеме заедно, што ќе значи успех.
Автор на коментарот е Берта Романо-Николиќ, претседател на еврејската заедница во Република Македонија.
