Грчкиот премиер Алексис Ципрас во интервјуто за утрешното издание на весникот “Етнос“ всушност изјавил дека “никогаш не постоела македонска нација во античко време, како што не постоела ниту нација на Атињаните и Спартанците.“

ТАТКОВИНА го објавува прашањето и одговорот во целост на Ципрас,  преземајќи ги од ʺНезависенʺ

Етнос:И со прашањето за македонската нација?

Ципрас: Македонска нација никогаш не постоела во античко време, како што не постоела и нација на Атињаните или Спартанците. Античка Македонија беше голема сила на античкиот грчки свет која се прошири, особено во времето на Александар Велики , многу пошироко од денешната географски област Македонија.

Од 7 век па натаму, се населиле на ова место сукцесивно, покрај Грците и Словени, Бугари, Срби, Евреи, Отоманци. Денес, оваа поширока географска област припаѓа на три различни држави. Во оваа смисла е сосема спротивно на историјата и апсурдно некои да побарат ексклузивност на Македонија и во смисла на етничка идентификација.

Меѓутоа, не е апсурдно терминот Македонија да е вклучен во сложено име, со географска или временска одредница која ќе важи за сите, така што да биде јасно дека никој не бара територии или историја на други народи.

Сподели на социјалните мрежи
  • gplus

TATKOVINA.INFO