Американското списание „Форбс“ ја објави листата на највисоко платените пејачки на годината. Првото место се зазема од изведувачката во ритам-енд-блуз стил, Бијонсе. 36-годишната ѕвезда спечелила оваа година 105 милиони долари, а во оваа сума влегуваат и приходите од продажбата на нејзиниот последен албум Lemonade, како и од концертните турнеи. Освен тоа, пејачката има своја модна линија за облека. На второ место, со скромни 69 милиони долари е 29-годишната британска пејачка Адел. Трета е американката Тејлор Свифт, која минатата година беше на чело на оваа листа. Оваа година, сепак таа има заработено „едвај“ 44 милиони долари, но следната година се навестува како подобра во однос на финансиите за 27-годишната пејачка. Според Форбс, во 2018 година, таа најверојатно ќе ги зголеми сериозно финансиите со приходите од новиот албум, како и од планираната голема турнеја. Четврта на листата на најплатените пејачки е канаѓанката Селин Дион со 42 милиони долари. Следува поп ѕвездата Џенифер Лопез со 38 милиони долари. Во првите десет на престижната листа влегуваат уште Ријана – 7-мо место со 36 милиони долари, Бритни Спирс – 9-то место со 34 милиони. Долари, Барбара Стрејсенд – 10-то место, со 30 милиони долари.
