Тајванскиот технолошки гигант „Фокскон“ потврди дека планира инвестиција во износ од 7 милијарди долари во САД. Таа е дел од заедничкиот проект со јапонската SoftBank.
За таква зделка претседателот на САД Доналд Трамп навести пред да стапи на должност во фоајето на „Трамп Тауер“. Се очекува двете компании да налеат вкупно 50 милијарди долари во американската економија, отворајќи нова фабрика, што пак ќе отвори нови 50 000 работни места.
Извршниот директор на техногиганта Тери Гоу изјави дека чека да види какви ќе бидат новите даночни политики на САД и дали земјата може да му предложи некои стимуланси како поевтино земјиште и електрична енергија.
„Фокскон“, главен снабдувач на „Епл“ и „Сони“, е еден од најголемите производители на електроника во светот со околу 1 милион работници во повеќе од 10 земји.
Минатата година компанијата го заврши договорот за здобивање на 66% од акциите на јапонскиот производител на електроника „Шарп“.
