Сторителот на терористичкиот чин во дискотеката во Истанбул во новогодишната ноќ е планирал да се самовзриви по нападот, но гранатата само го шокираше, објави в. „Хуриет“ повикувајќи се на извор од истрагата.
Фатениот бомбаш Абдулгадир Машарипов уби 39 лица и рани 69 во локалот, каде се собраа околу 700 лица. Одговорноста за нападот ја презеде терористичката група „Исламска држава“.
„Отидов во „Реина“, за да умрам. Кога видов дека гранатата е само за зашеметување, избегав“, раскажал Машарипов.
Атентаторот располагал однапред со видео за поставеноста внатре во дискотеката. Машарипов детално се запознал кадрите и дури тогаш пристапил кон нападот.
Распитите на Машарипов се одржуваат на руски, бидејќи тој зборува лошо турски.
Сподели на социјалните мрежи
