„Благодарен сум на моите колеги за реизборот ми во Претседателството на Европскиот парламент (ЕП). Тоа е едно признание за Бугарија, признание за нашите напори во Европскиот парламент – моите и на моите колеги од Бугарија, како и на партија ГЕРБ, за тоа, што сме постигнале заедно – Бугарија да биде активен член на Европската унија и да бидеме почитувани од нашите колеги“- изјави по изборот Андреј Ковачев.
Претседателството на Европскиот парламент, или т.н. Биро, е раководниот орган на институцијата и се состои од Претседателот на Европскиот парламент, од неговите 14 потпретседатели и од петмина квестори. Задачата на Бирото е да изготвува нацрт на Европскиот парламент, да се занимава со сите административни и организациски прашања, како и со оние поврзани со персоналот. Квесторите се задолжени за административните и финансиските прашања кои се поврзани со спроведувањето на мандатот на членовите на ЕП.
Со овој избор Бугарија ќе продолжи да има свој претставник на највисока позиција во Европскиот парламент.
