Српската влада ќе одржи вонредна средба во петок поради ослободувањето на поранешниот косовски премиер Рамуш Харадинај, соопшти министерот за внатрешни работи Небојша Стефановиќ.
Тој беше уапсен на почетокот од јануари во Франција по издадена наредба за меѓународна потерница од Интерпол на барање на Србија, каде е обвинет за воени злосторства за време на војната во Косово во периодот 1998-1999 година. Претходно денеска францускиот суд нареди негово ослободување со кауција, откако косовскиот политичар го обжали апсењето.
„Ослободувањето на Харадинај, иако привремено, е лоша вест. Особено за семејствата на неговите жртви „, изјави денеска министерот за труд, социјална политика и ветераните Александар Вулин.
Харадинај беше премиер во периодот 2004-2005 година, а во моментов е лидер на опозициска партија. Пред тоа тој е еден од лидерите на Ослободителната војска на Косово. Харадинај е против нормализирање на односите меѓу Косово и Србија, што е поддржана од неговиот соработник од косовската војна Хашим Тачи, кој сега е претседател на земјата.
