Дебатата за уставните измени, кои треба да претворат Турција од парламентарна во претседателска република, за кое инсистира актуелниот претседател Реџеп Таип Ердоган, започна во парламентот на 9 јануари во силно напната атмосфера.
Противењето на проектот на владејачката Партија на правдата и развојот (АКП), кој е поддржан од страна на Партијата за националистичко движење (МХП), дојде од социјалдемократската Народна републиканска партија (ЦХП). Народната демократска партија (НДП), исто така остро го критикуваше проектот, кој фокусира целата извршна власт во кабинетот на претседателот и го зголемува влијанието на извршната власт над законодавната и судската. Сепак, пратениците од партијата избраа да не користат гласовите во почетната фаза на расправата.
На првото читање во парламентот беше одлучено дали треба да се разгледува целата рамка, како поддршка на ова гласаа 338 пратеници, а 134 беа против. Имајќи предвид дека седум пратеници од вкупно 133-та на ЦХП не присуствуваа при гласањето, може да се каже дека сите пратеници од ЦХП плус пет од дисиденти од МХП и двајца независни пратеници рекоа „не“ на промената кон претседателски систем.
Прагот за поднесување на проектот на дискусија на референдум е 330 гласа во 550-члениот парламент. Сега парламентот ќе дебатира и гласа секој од 21 ставовите на проектот и ако некој од нив добие под 330 гласа поддршка, ставот ќе биде исклучен од пакетот, дури и ако останатите добијат најмалку 330 гласа.
МХП има интересна позиција во овој дебат. Нејзиниот лидер Девлет Бахчели, кој сега силно го поддржува проектот, беше жесток противник на идејата за претседателски систем и на претседател на кого да биде запазена позицијата на претседател на партија. Во своето обраќање пред групата на МХП во парламентот пред речиси една година, Бахчели праша дали Ердоган „ќе сака ли да биде следниот цар“, ако биде избран за партиски лидер-претседател. „Изгрева нов Путин и превзема Турција чекор по чекор“, рече Бахчели.
Во својот говор во парламентот во вторникот премиерот Бинали Јилдирим изрази благодарност до Бахчели за поддршка на предлогот.
